Samsung vendosë një rekord të ri të rrjetit 5G

Kompania Samsung Electronics ka vendosur një rekord të ri, kur bëhet fjalë për bartjen e të dhënave përmes rrjetit 5G mmWave.

Testet janë kryer në partneritet me kompaninë NBN Co., që është plan i investimeve prej 750 milionë dollarëve australianë, transmeton Telegrafi.

NBN përdor softuerë të ndryshëm për përmirësim në mënyrë që të nxjerrë më të mirën nga rrjeti 5G.

Gjatë testeve në teren, pajisja ka ngritur shpejtësinë mesatare të shkarkimit prej 1.75 Gbps, dhe një mesatare të shpejtësisë së ngarkimit prej 61.5 Mbps.

Shpejtësia maksimale e shkarkimit ishte 2.7 Gbps dhe u arrit nga një distancë prej 10 kilometrave largësi nga burimi, që është një rezultat mbresëlënës.

Samsung dhe NBN pretendojnë se është arritje e re jashtë zhvillimit të rrjetit 5G, jo vetëm në rajonet urbane por edhe në ato rurale.

Sukseset e testit tregojnë që rrjeti 5G ka potencial të madh në të ardhmen. /Telegrafi/

 

Next Post

Stay Connected test

Recent News