Policia e Kosovës ka bërë të ditur se brenda 24 orëve të fundit janë shënuar gjithsej 121 aksidente trafiku në vend.
Nga këto, një aksident ka përfunduar me fatalitet, 34 kanë rezultuar me persona të lënduar dhe 86 të tjera vetëm me dëme materiale.
Në kuadër të kontrollit të trafikut, policia ka shqiptuar 2,161 gjoba për shkelje të rregullave të komunikacionit.
Po ashtu, gjatë kësaj periudhe janë arrestuar 22 persona, prej të cilëve 15 janë dërguar në mbajtje dhe një person në vuajtje të dënimit.
