Igor Popovic, ndihmësdrejtor i të ashtuquajturës “Zyrë për Kosovën” që drejtohet nga Petar Petkoviq, është dënuar me 30 ditë paraburgim, pas arrestimit të tij në Rahovec për deklarata fyese ndaj Ushtrisë Çlirimtare të Kosovës (UÇK).
Lajmin e ka konfirmuar për mediat Mirlinda Gashi, zëdhënëse e Gjykatës Themelore në Prishtinë, duke bërë të ditur se masa e paraburgimit është vendosur nga gjykata për një periudhë njëmujore.
“Po, i është caktuar masa e paraburgimit për një muaj”, deklaroi shkurt Gashi.
Rasti ngjalli reagime të shumta, përfshirë edhe nga ministri i Punëve të Brendshme, Xhelal Sveçla, i cili dënoi ashpër gjuhën e urrejtjes dhe ofendimet publike ndaj UÇK-së, duke e cilësuar këtë si një provokim të papranueshëm.
Popovic dyshohet se në mënyrë të qëllimshme ka përdorur fjalor denigrues gjatë një vizite në Rahovec, një akt që ka nxitur reagime të ashpra si në nivel institucional, ashtu edhe në opinionin publik.
