New York, 24 shtator 2025/ Qendra.Info – Presidenti i Serbisë, Aleksandar Vučić, ka bërë të ditur nga Nju Jorku se ka ftuar zyrtarisht presidentin e SHBA-së, Donald Trump, për një vizitë në Serbi. Ftesa iu dorëzua përmes Departamentit të Shtetit gjatë një takimi me sekretarin amerikan të Shtetit, Mark Rubio.
Vučić deklaroi se takimi me Rubion ishte “miqësor, i hapur dhe shumë përmbajtësor”, por shtoi se diskutimet për sanksionet ndaj NIS’it Rus ne Serbi nuk ishin të lehta. Ai kërkoi një shtyrje të zbatimit të tyre, por pranoi se kjo do të jetë e vështirë.
Gjithashtu, presidenti serb njoftoi se gjatë Asamblesë së Përgjithshme të OKB-së do të zhvillojë takime të tjera, përfshirë edhe me sekretarin amerikan të Thesarit, Scott Bessent, ku do të diskutohet mbi tarifat e larta që SHBA ka vendosur për importet nga Serbia.
