Një sipërmarrëse 36-vjeçare nga Australia ka gjetur një mënyrë të pazakontë për të siguruar të ardhura shtesë, duke dhënë me qira gjysmën e shtratit të saj për persona që nuk i njeh. Ajo fiton rreth 500 paund në muaj nga kjo praktikë jo e zakonshme.
Monique Jeremiah tregon se ideja lindi pas ndarjes nga ish-partneri i saj, i cili për dy vite kishte zënë pjesën tjetër të shtratit. Pas largimit të tij, ajo vendosi ta shfrytëzonte hapësirën e lirë për të gjeneruar të ardhura dhe për të mbështetur financiarisht kompaninë e saj të modelimit, të cilën e quan “karriera e ëndrrave”.
Kjo praktikë njihet ndërkombëtarisht si “hot bedding” dhe përfshin ndarjen e shtratit në mënyrë strikte dhe të respektueshme, pa kontakt fizik. Sipas Monique, gjithçka bazohet në rregulla të qarta, kufij personalë dhe ndjenjë sigurie.
“Është një mënyrë e mirë për të fituar para dhe për të mos u ndier vetëm,” shprehet ajo, duke theksuar se respekti dhe komunikimi janë thelbësore për funksionimin e kësaj marrëveshjeje./Qendra.INFO
