Shërbimi Spitalor Klinik dhe Universitar e ka nënshkruar kontratën e re për furnizim me tretësirë fiziologjike NaCl, shkruan Gazeta Shneta.
Kontrata me vlerë 820,701 Euro është nënshkruar me kompaninë “DreniPharm”.
Kontrata do të zgjas dy vite dhe sasia e planifikuar është 1,391,020 copë tretësirë injektuese 0.9% 500mL. Ky produkt me origjinë nga India është prodhim i kompanisë Otsuka nga Japonia.
SHSKUK në javët e fundit ka qenë në krizë për shkak të mungesës së furnizimit me NaCl, edhe pse kishte pasur kontratë me kompaninë “Exclusive”. Për shkak të mungesës javën e kaluar janë anuluar pesë operacione në Spitalin e Mitrovicës. /Gazeta Shneta/
