Presidenti i entitetit Republika Srpska dhe i dyshuari për sulmin ndaj rendit kushtetues të Bosnjë-Hercegovinës, Milorad Dodik, u takua në Moskë me presidentin e Rusisë, Vladimir Putin.
Ky informacion është konfirmuar nga zëdhënësi i Kremlinit, Dmitry Peskov, i cili nuk ka dhënë informacione të mëtejshme për takimin e tyre.
Dodik ka disa ditë që ndodhet në Moskë, i cili pas përfundimit të vizitës në Izrael është larguar nga Serbia për në Rusi.
Ende nuk dihet se si Dodik u largua nga Bosnja dhe Hercegovina, duke pasur parasysh se ndaj tij është lëshuar një fletarrest qendror dhe se ai pritet të mbahet për një muaj në paraburgim për mospërgjigje ndaj thirrjeve të institucioneve gjyqësore për dëgjim.
Dodik, së bashku me kryeministrin e RS, Radovan Vishkoviq dhe kryetarin e Asamblesë Kombëtare të RS, Nenad Stevandiq, dyshohet se kanë sulmuar rendin kushtetues të vendit tonë.
Hapja e kësaj çështje ndodhi pasi NSRS kaloi dhe Dodik nënshkroi dekrete për ligjet që ndalojnë punën e institucioneve shtetërore SIPA, Gjykatës së Bosnje-Hercegovinës, Prokurorisë së Bosnje-Hercegovinës dhe KLP-së në territorin e entitetit të RS.
Po ashtu në ditët në vijim pritet vendimi i Interpolit për lëshimin e fletarrest të kuq, apo ndërkombëtar për Dodik dhe Stevandiq, të cilët u larguan nga Bosnja dhe Hercegovina pas lëshimit të fletarrestit qendror ndaj tyre.
