Ai është ankuar për përdorimin e termit “Kosova dhe Metohija” – term i përdorur nga Serbia – nga ana e zyrtarit të Prokurorisë.
Zyra e Prokurorit të Specializuar ka pranuar se përdorimi i këtij termi ka qenë një gabim dhe ka theksuar se ai nuk është pjesë e praktikës standarde të Prokurorisë. Pas kësaj, Zyra ka konfirmuar se masat do të merren për të siguruar që ky gabim të mos përsëritet në të ardhmen.
Megjithatë, Ombudspersoni ka refuzuar ankesën, duke e konsideruar se nuk kishte shkelje të të drejtave të njeriut.
Avokati Ardian Bajraktari ka komentuar këtë rast duke shprehur dyshime të thella mbi objektivitetin e procesit gjyqësor, raporton Dukagjini, transmeton Periskopi.
Ai ka theksuar se ky incident shpërfaq lidhjet e ngushta mes autoriteteve serbe dhe ZPS-së.
“E para, unë e kam përshtypjen që nuk është e rastësishme. Natyrisht është e papranueshme, është denigrim i Republikës së Kosovës. Por, ajo çka shpërfaq janë dy elemente në bindjen time jashtëzakonisht të rëndësishme. E para: e shpërfaq atë se prapa këtij procesi të komprometuar qëndron këmbë e krye Serbia. Ne kemi pas jo pak raste kur prokuror e kryeprokuror serbë e kanë thënë se prapa këtij procesi qëndrojnë ata. E kjo po e dëshmon katërcipërisht këtë gjë.
E po ashtu shpërfaqë elementin tjetër: faktin që e ka konfirmuar si një shkelje, avokati i Popullit që funksion në kuadër të kësaj gjykate dhe nuk ndërmerr asnjë veprim. Kjo e vë në dyshim objektivitetin e trajtimit edhe të kësaj çështje por edhe të tërë procesit. Për faktin se siç dihet në kuadër të komplet Dhomave të Specializuara funksionin i gjithë aparati, filluar nga gjykata e dhomës së parë deri te gjykata supreme e Kushtetueses. Po ashtu edhe institucioni i avokatit të Popullit. Kjo shpërfaq një çështje serioz, përmes këtyre veprime po dëshmohen se këto dhoma nuk janë mjaftueshëm objektive në trajtimin e çështjes për të cilën janë të mandatuar. Vlerësoj se kjo duhet me qenë një alarm për institucionet, që në mënyrë të koordinuar më të gjithë akterët që gradualisht të shndërrohet në një mekanizim që vendoset drejtësi. Po shpërfaqet se këtij procesi qëndron autoritet serbe dhe e dëshmon mungesën e profesionalizmit”, ka thënë Bajraktari.
Po ashtu, Xhevdet Qeriqi, përfaqësues i Shoqatës së Veteranëve të UÇK-së, e ka komentuar përdorimin e termit, duke thënë se përdorimi i këtij termi nuk ka qenë një rastësi, por një shenjë e bashkëpunimit të ngushtë midis autoriteteve të ZPS-së dhe Serbisë.
“Çdo ditë e më shumë po shpërfaqet kjo prokurori dhe po dëshmohet ajo çka e kemi thënë ne se këta po bashkëpunojnë afër. Dhe çdo veprim që e ndërmarrin e marrin në koordinim me organet e Serbisë. Pra edhe kjo gjuha që e ka përdor, ta kujton atë kohën e kasapit të Ballkanit, i cili e ka përdoru ndaj nesh si ‘Kosova e Metohija’. Të jep me kujtu se kjo nuk është përdor rastësisht kjo gjuhë. Është një bashkëpunim i ngushtë. Dhe nuk iu ka mjaftu mos me përdor asnjë emblemë, asnjë logo të shteti të Kosovës. Me mbledh prova prej shteti kriminal, janë të gjitha ato përpjekjet e tyre me njollos me fabrikime, me dëshmi të rrejshme, luftën e UÇK-së”, ka thënë Qeriqi.
