Ushtarët amerikanë të caktuar në komandën rajonale në lindje të misionit të KFOR-it kryen patrullime përgjatë vijës kufitare administrative në Kosovë, për të siguruar lirinë e lëvizjes dhe një mjedis të sigurt.
Kjo është bërë e ditur në një njoftim zyrtar të KFOR-it, shkruan IndeksOnline.
“Ushtarët e KFOR-it në mënyrë rutinore kryejnë patrullime ditore nëpër komuna të shumta të Kosovës në përpjekje për të ruajtur paqen në rajon. Qoftë duke patrulluar në mënyrë të pavarur apo duke u bashkuar me partnerët tanë të reagimit të sigurisë, KFOR-i mbetet i përkushtuar ndaj misionit tonë”, thuhet në njoftim.
KFOR-i vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, për të kontribuar në një mjedis të sigurt për të gjithë njerëzit dhe komunitetet që jetojnë në Kosovë.
KFOR-i punon në koordinim të ngushtë me Policinë e Kosovës dhe EULEX-in, në rolet e tyre përkatëse si reagues të sigurisë.
