Abdixhiku në një konferencë për media ka deklaruar se për të dal nga kriza ose ngërçi politik, propozon disa opsione.
Abdixhiku thotë se LDK ka propozuar qeveri të tranzicionit.
“Zgjidhjen nga kjo bllokadë LDK e konsideron të domosdoshme.” LDK-ja propozon nisjen e procesit konsultativ me qëllimin e qeverisë nacionale të tranzicionit me afat të caktuar deri në zgjedhjen e Presidentit të ri.”
Kujtojmë se Kuvendi i Kosovës është në një bllokadë, pasi partia në pushtet nuk i ka numrat për emrin e Albulena Haxhiut si kandidate për kryetare të Kuvendit.
Të hënën ishte përpjekja e 11-të për konstituimin e Kuvendit, por edhe kësaj radhe pa sukses.
Pas kësaj seance është bërë publike një letër e dërguar nga kryetari i VV’së, Albin Kurti drejt kreut të LDK’së, Lumir Abdixhiku. Letër kjo e cila ngjasonte si lutje e fituesit të zgjedhjeve për koalicion me LDK’në e Abdixhikut.
Përndryshe, kjo është letra e tretë që Kurti i dërgon Lumir Abdixhikut, pasi ky i fundit refuzoi të takohej me të.
Letra e tretë, sic tha edhe nënkryetari i kësaj partie, Lutfi Hazir, “ishte më eksplicite” për nga përmbajtja, kjo pasi Kurti kësaj radhe i theksoi ‘dëshirën’ e tij për një koalicion me LDK’në.
Kujtojmë se një histori të hidhur ka Lidhja Demokratike edhe në vitin 2020 me Vetëvendosjen, ku koalicioni mes këtyre dy partive nuk zgjati më shumë se 51 ditë.
Ndryshe, partia fituese e zgjedhjeve me 48 deputetë po akuzon ish-opozitën për bllokim të Kuvendit, teksa këta të fundit kritikojnë insistimin e Kurtit në një kandidate si Albulena Haxhiu që sipas tyre është jounifikuese.
/Periskopi/
