Presidenti i Rusisë, Vladimir Putin, do të zhvillojë bisedime bilaterale me presidentin e Serbisë, Aleksandar Vuçiq, më 9 maj në Moskë. Lajmi është bërë i ditur nga ndihmësi i liderit rus, Jurij Ushakov, transmeton Qendra.Info.
“Sipas planit, do të mbahet një bisedë ndërmjet Vladimir Putinit dhe presidentit të Republikës së Serbisë, Aleksandar Vuçiq,” deklaroi Ushakov për mediat ruse.
Ai shtoi se, përveç çështjeve të bashkëpunimit dypalësh, liderët do të trajtojnë edhe situatën politike dhe të sigurisë në Ballkanin Perëndimor.
Kremlini ka njoftuar se pret të mirëpresë 29 liderë të huaj në Moskë për të marrë pjesë në ceremonitë e Ditës së Fitores më 9 maj, që përkujton fitoren kundër fashizmit në Luftën e Dytë Botërore – një nga ngjarjet më të rëndësishme simbolike në kalendarin shtetëror rus./Qendra.Info
