Kryetari i NISMA-s, Fatmir Limaj, ka bërë thirrje që të gjendet një zgjidhje për konstituimin e Kuvendit të Kosovës.
Limaj ka thënë se populli e ka dhënë fjalën e tij me votë, ndërsa tashmë duhet të vendosin deputetët.
Sipas tij, mënyra e vetme është të ketë bashkëbisedime mes partive politike për të gjetur një zgjidhje.
“Kosova nuk e ka luksin me vazhdu me mbet kështu, na duhet një Qeveri. Gjendja ekonomike nuk ka qenë kurrë më keq. Njerëzit kanë votuar, përgjegjësia është e madhe. Çka është kjo duhet me shku n’zgjedhje, ata na kanë zgjedhur ne duhet të zgjedhim tashmë institucionet. Në politikë duhet të bashkëbisedosh dhe të gjesh marrëveshje me ata që nuk mund të pajtohesh. Unë pres që në këtë frymë, forcat politike të jenë të përgjegjshme, NISMA në këtë drejtim do të jep kontributin e vet me aq sa ka mundësi. Prandaj kemi thënë se bashkëbisedojmë por nuk do të thotë se pajtohemi por duhet të bisedojmë për të gjetur marrëveshje”, ka thënë Limaj.
