Bëhet fjalë për Shemsi Bahtirin, i cili u kap dje në aksionin e Antidrogës të urdhëruar nga Prokuroria Speciale.
Nëpërmjet një njoftimi në Facebook, subjekti në pushtet ka thënë se e mbështet aksionin policor kundër trafikimit të drogës, që u krye nga Policia, Prokuroria Speciale dhe në koordinim me Europolin.
Sipas këtij subjekti, nga autoritetet policore s’kanë pranuar informacion zyrtar me të dhënat personale për të arrestuarin.
“Lëvizja VETËVENDOSJE! përshëndet dhe mbështet aksionin e gjerë të arrestimit të rrjetit të trafikimit të drogës të kryer këto ditë nga Policia dhe Prokuroria në kordinim me Europolin. Ne inkurajojmë secilin anëtarë, por edhe qytetarët e vendit që të sinjalizojnë çfarëdo fenomeni të tillë në Policinë e vendit. Paçka se duam të njoftojmë se si Lëvizjes VETËVENDOSJE! jo rrallë herë kemi bërë denoncime të tilla përmes anëtarëve e aktivistëve tanë. E njëjtë do të vijojmë të bëjmë. Në anën tjetër, nga mediat kuptuam se njëri prej 22 arrestuarve është aluduar si i afërt me subjektin tonë. Ndonëse nga Prokuroria apo Policia nuk kemi parë asnjë informatë zyrtare me të dhënat personale të të arrestuarve”, thuhet në njoftimin e VV-së.
Vetëvendosje shtoi se vendimi për largimin e aktivistit të partisë qëndron në fuqi deri në sqarimin dhe verifikimin e plotë “nëse bëhet fjalë për personin e njëjtë me atë të organeve të drejtësisë”.
22 persona janë arrestuar të martën në operacionin policor në katër rajone, ku u sekuestruan para, armë, vetura dhe gjëra të tjera.
