Kryeministri i Kosovës, Albin Kurti, ka reaguar pas deklaratës së presidentit amerikan Donald Trump, i cili bëri thirrje për qetësi në Ballkan, pa përmendur drejtpërdrejt agresionin serb ndaj Kosovës.
Në një prononcim për media, Kurti ka dhënë një përgjigje të qartë:
“Pikë së pari, Serbia duhet ta dorëzojë Millan Radoiçiqin. Pa ndëshkimin e organizatorëve të sulmeve terroriste në Banjskë, nuk mund të ketë paqe as stabilitet në rajon.”
Kurti theksoi se “thirrjet për qetësi nuk mjaftojnë, nëse kriminelët vazhdojnë të mbrohen nga Beogradi.”
Reagimi vjen pasi Trump u shpreh se “të gjitha palët në Ballkan duhet të tregojnë përmbajtje”, por pa përmendur asnjë përgjegjësi të Serbisë apo ndihmës që ajo i jep strukturave ilegale në veri të Kosovës.
