Një aksident i rëndë trafiku ka ndodhur sot rreth orës 12:00 në magjistralen Prishtinë–Gjilan, ku si pasojë një person ka humbur jetën dhe dy të tjerë kanë mbetur të lënduar.
Sipas informatave zyrtare të konfirmuara nga zëdhënësja e Policisë për rajonin e Prishtinës, Flora Ahmeti, në aksident janë përfshirë dy vetura dhe një kamion.
“Si pasojë e aksidentit në vendin e ngjarjes ka humbur jetën një person dhe janë lënduar dy të tjerë, të cilët janë dërguar për trajtim mjekësor. Vdekjen e viktimës e ka konstatuar ekipi mjekësor në vendngjarje,” ka deklaruar Ahmeti për Qendra.Info.
Në vendin e ngjarjes janë angazhuar njësitet përkatëse policore, ndërsa hetimet mbi shkaqet e aksidentit po i vazhdon njësiti i trafikut rajonal.
