Festa e Vidovdanit, e cila shënohet çdo 28 qershor nga komuniteti serb, deri në këto momente po zhvillohet e qetë dhe pa incidente në kompleksin memorial të Gazimestanit, në afërsi të Prishtinës.
Qindra qytetarë serbë janë mbledhur për të përkujtuar Betejën e Kosovës të vitit 1389, ndërsa një numër pjesëmarrësish janë parë duke mbërritur edhe nga Serbia. Të pranishëm janë edhe klerikë të Kishës Ortodokse Serbe dhe përfaqësues politikë lokalë e nga Beogradi.
Policia e Kosovës është e dislokuar në zonë dhe, sipas raportimeve të deritanishme, po sillet në mënyrë profesionale dhe korrekte, duke garantuar rendin dhe sigurinë për të gjithë të pranishmit. Nuk është raportuar për ndonjë provokim apo incident.
Qendra.info po e ndjek nga afër zhvillimin e situatës në Gazimestan dhe do të raportojë për çdo ndryshim apo ngjarje të rëndësishme.
