Gjykata Themelore në Prishtinë ka aprovuar kërkesën e Prokurorisë dhe i ka caktuar gazetarit Valon Syla masën e ndalimit të afrimit ndaj një vendi apo personi të caktuar.
Syla, i njohur për paraqitjet e tij publike, dyshohet për veprat penale “Dhunë në familje” dhe “Lëndim i lehtë trupor”, sipas raportimit nga “Betimi për Drejtësi”.
Zëdhënësja e Gjykatës, Mirlinda Gashi, ka konfirmuar për mediat se masa është vendosur pas mbajtjes së seancës dëgjimore.
Pavarësisht akuzave, Syla është lënë i lirë, ndërsa ndalimi i afrimit mbetet në fuqi si masë e sigurisë ndaj palës tjetër të përfshirë në rast.
