Komisioni Europian përgënjeshtron Vuçiqin: Ai shkëmbeu veç disa fjalë me Ursulën
Komisioni Evropian sot mohoi pretendimin e Presidentit serb Aleksandar Vuçiq se ai pati një bisedë të gjerë me Presidenten Ursula von der Leyen në Sevilje dje.
“Presidentja von der Leyen pati një bisedë të rastësishme dhe spontane me Presidentin Vuçiq, në sallonin para darkës zyrtare në Sevilje. Ajo pati mundësinë të shkëmbente disa fjalë me shumë udhëheqës, përfshirë Presidentin Vuçiq. Pra, nuk ishte një takim zyrtar dypalësh dhe nuk kemi asgjë më konkrete për të thënë për të”, tha zëdhënësi Stefan de Keersmaecker në përgjigje të pyetjes së një gazetari.
Vuçiq mori pjesë në një konferencë ndërkombëtare mbi financimin e zhvillimit në Sevilje.
Siç raportohet nga mediat serbe, Vuçiq diskutoi me von der Leyen rrugën evropiane të Serbisë, ekonominë dhe vendimet me të cilat përballen si Bashkimi Evropian ashtu edhe Serbia në periudhën e ardhshme.
“Mendoj se ishte jashtëzakonisht e dobishme. Ne biseduam për një kohë të gjatë, nuk kemi folur kurrë kaq shumë dhe kaq shumë kohë për bashkëpunimin tonë dypalësh”, tha Vuçiq.
Mickoski për anëtarësimin në BE: Nuk pranojmë imponime nën maskë të procesit europian
Read more
