Kryetari i VV’së, Albin Kurti është deklaruar para mediave pas takimit të mbajtur me Presidenten Osmani.
Kurti ka thënë se në këtë takim janë përmendur të gjitha elementet përbërëse dhe tash duhet të presim edhe takimin e Presidentes me përfaqësuesit e tjerë politikë.
“Diskutuam gjerë e gjatë. I përmendëm të gjitha elementet përbërëse dhe tash Presidentja do të ketë takime edhe me përfaqësues të partive tjera politike, e mbase në fund do të shohim a kemi bërë përparim dhe sa është i mjaftueshëm një përparim i tillë.
Unë besoj se do t’i japim shancin edhe takimeve të tjera dhe në fund të shohim cili është progresi që jemi të interesuar të gjithë”, tha Kurti.
Deputeti Kurti nuk është ndalur edhe në pyetjet e gazetarëve pas këtij deklarimi.
