Më 26.09.2024, në mbledhjen e mbajtur nga Këshilli Drejtues i UP-së, pas një votimi të fshehtë të anëtarëve, Krasniqi u lirua nga detyra.
Lirimin nga detyra të sekretarit Krasniqi, Këshilli Drejtues i UP-së nuk e kishte planifikuar si pikë të rendit të ditës së mbledhjes, por ajo u propozua para se të fillonin mbledhjen.
E ish-sekretari i UP-së, Besfort Krasniqi nuk iu kishte bashkuar mbledhjes së Këshillit Drejtues të UP-së, ani pse e kishin ftuar dy herë që t’i bashkohet kësaj mbledhjeje.
Sipas anëtarit të Këshillit Drejtues të UP-së, Selim Bezeraj, sekretarit Krasniqi i ishte dhënë një vërejtje nga ky Këshill atë vit.
Para se të votonin për lirimin nga detyra të ish-sekretarit Krasniqi, Këshilli Drejtues i UP-së shqyrtoi një raport të auditimit të brendshëm të UP-së.
Kryesuesi i Këshillit Drejtues të UP-së, Altin Sahiti kishte thënë se raporti i auditimit të brendshëm ka të bëjë edhe me objektin e Fakultetit të Bujqësisë dhe Veterinarisë. Objekti i Fakultetit të Bujqësisë dhe Veterinarisë nuk ishte i funksionalizuar për shkak të problemeve me ndërtimin që ka ky objekt.
Në anën tjetër, një tender me vlerë të parashikuar prej 1 milion e 641 mijë euro për “Funksionalizimin e objektit të ri të Fakultetit të Bujqësisë dhe Veterinarisë” ishte hapur më 13.05.2024. Këtë tender, Universiteti i Prishtinës e anuloi 11 ditë më vonë, përkatësisht më 24.05.2024, me arsyetimin se “ka mungesë të fondeve” për këtë projekt.
Por, kjo nuk është e bëma e vetme e Krasniqit, i cili tash gëzon një post të lartë në Universitetin e Pejës.
Sekretari i ri i Universitetit të Pejës, Besfort Krasniqi, ishte i denoncuar nga një grua në Policinë e Kosovës për ngacmim dhe sulm seksual.
Në një raportim të gazetës Nacionale, denoncuesja, kishte deklaruar në Policinë e Kosovës, se i dyshuari Besfort Krasniqi, kishte filluar që ta ngacmojë më fjalë që nga koha kur ky i fundit ka marrë pozitën e sekretarit të Fakultetit Filologjik. Në fillim ngacmimet kanë filluar më fjalë ndërsa në momente të caktuara, ka tentuar që ta prekë me duar në pjesë të ndryshme të trupit.
Mirëpo, Krasniqi nuk ka ndaluar me kaq pasi sipas paditëses, në raste të ndryshme i akuzuari ka mbyllur derën e zyrës së tij më çelës dhe pa dëshirën e saj e ka mbështetur për muri, ku ka tentuar që ta puthë më zor.
Krasniqi, sipas paditëses, ka dëshiruar që këta të dy të kryejnë marrëdhënie seksuale në zyrën e saj dhe pastaj të vazhdojnë në ndonjë hotel.
Si duket Krasniqit, këto refuzime nuk i kanë bëre përshtypje, pasi që ai më vonë ka filluar që t’i shkruaj viktimës edhe në aplikacionin Viber, ku në fillim bisedat kanë qenë kolegiale por më vonë kanë kaluar ne biseda eksplicite ku Krasniqi më raste të ndryshme i është drejtuar viktimës më fjalë si ‘’Ti hongsha c****’’, ‘’Qa te kisha q* fort’’ etj.
Sipas saj, këto sjellje të Krasniqit e kanë shqetësuar, dhe e njëjta më pas ka kërkuar ndihmë edhe nga dekanja e fakultetit Lindita Rugova dhe një pjesë e stafit akademik të Fakultetit Filologjik.
Rugova, sic raporton mediumi, ishte ftuar në cilësinë e dëshmitares nga Policia e Kosovës, por e njëjta ka ofruar si dëshmi se është e sëmure dhe nuk mund të jetë prezente.
Rugova, në deklaratën e denoncueses përmendet më shumë se një herë.
Sipas saj, dekanja e fakultetit kishte kërkuar nga denoncuesja që të lirojë punën në momentin kur kjo e fundit i ka treguar videot të cilat posedon, ku shihet Krasniqi duke e prekur pa dëshirën e sajë.
Sipas saj, kjo gjendje ka vazhduar për vite të tëra dhe se ajo është frikësuar ta lajmërojë rastin me kohë, pasi është frikësuar se do ta largojë atë prej pune, e sidomos ne këta tre-katër muajt e fundit kur Besfort Krasnqi ka konkurruar për pozitën e sekretarit të përgjithshëm të UP-së, pozitë të cilën e ka marr dje.
Ndërsa ne anën tjetër, Besfort Krasniqi, në deklaratën e tij të dhënë para hetuesve ka deklaruar se dekanja e fakultetit nuk i ka treguar për ankesën e denoncueses, sepse nuk ka se çfarë t’i tregojë pasi që nuk ka ndonjë ankesë ndaj tij.
Krasniqi, vazhdimisht e ka mohuar akuzën duke thënë se kanë qenë shaka kolegiale dhe biseda të cilat i bëjnë mes kolegëve./Periskopi/
