Ndihmësi i Kremlinit, Yuri Ushakov, ka njoftuar të enjten se gjatë bisedës telefonike të gjashtë mes presidentit rus, Vladimir Putin, dhe homologut të tij amerikan, Donald Trump, janë bërë të qarta qëllimet për të arritur një “zgjidhje të negociuar” për luftën në Ukrainë, sipas raportimeve të Reuters.
Megjithatë, Putin ka theksuar se Rusia është e përkushtuar për “të realizuar objektivin e saj për eliminimin e shkaqeve rrënjësore të konfliktit në Ukrainë” dhe ka theksuar se “nuk do të tërhiqet nga plani i saj”.
Gjithashtu, qëndrimi i Rusisë ka mbetur i pandryshuar, duke insistuar që bisedimet për paqen duhet të zhvillohen “vetëm ndërmjet Moskës dhe Kievit”.
Raportimet gjithashtu kanë theksuar se Trumpi dhe Putini nuk kanë diskutuar për ndalimin e disa dërgesave të armëve amerikane për Ukrainën.
Po ashtu, të dy liderët kanë rënë dakord për të vazhduar diskutimet në të ardhmen e afërt./Periskopi/
