Deputetët e Kuvendit të Kosovës kanë dështuar sërish të themelojnë Kuvendin e Kosovës.
As në vazhdimin e 43-të të seancës konstituive, deputetët nuk i kanë dhënë zgjidhje ngërçit institucional.
Deputetët dështuan në formimin e komisionit për votim të fshehtë për zgjedhje të kryeparlamentarit.
Kësisoj, kryesuesi i seancës konstituive, deputeti më i moshuar Avni Dehari e ndërpreu seancën.
Seanca e radhës është caktuar për të mërkurën.
Seanca është shoqëruar me polemika mes kryesuesit, Avni Dehari, dhe përfaqësuesve të partive opozitare, të cilët në foltore nuk kanë propozuar emra për Komisionin për votim të fshehtë për zgjedhje të kryeparlamentarit porse i kanë kërkuar atij që të ushtrojë detyrën sipas “obligimeve kushtetuese”.
