TikTok pritet të lançojë një version të ri të aplikacionit vetëm për përdoruesit në Shtetet e Bashkuara më 5 Shtator 2025, në përpjekje për të përmbushur kërkesat e ligjit amerikan që detyron shitjen e operacioneve të TikTok në SHBA ose përndryshe ndalimin e tij.
Sipas raportimeve nga The Information, kompania mëmë e TikTok, ByteDance, është duke zhvilluar këtë aplikacion të ri për të shmangur ndalimin në tregun amerikan. Në momentin që versioni i ri të lançohet, pritet që aplikacioni ekzistues të hiqet nga dyqanet e aplikacioneve në SHBA.
Gjithashtu, besohet se versioni aktual i TikTok do të ndalojë së funksionuari në muajin mars 2026, ndonëse këto afate mund të ndryshojnë.
Ky është zhvillimi më i fundit në sagën që përfshin TikTok-un dhe autoritetet amerikane. Presidenti Joe Biden nënshkroi një ligj që i jepte ByteDance-it afat deri më 19 janar 2025 për të shitur operacionet amerikane të TikTok, ose përndryshe aplikacioni do të ndalohej në SHBA.
Megjithatë, ish-Presidenti Donald Trump, i cili është sërish në detyrë, e ka shtyrë këtë afat dy herë përmes urdhrave ekzekutivë. Tani thuhet se një marrëveshje për shitjen e TikTok në SHBA është afër, por ende pritet miratimi nga qeveria kineze.
