Shumë njerëz nuk janë të vetëdijshëm për përfitimet e jashtëzakonshme që ofron arra indiane për organizmin. E pasur me vitamina, minerale dhe acide yndyrore të shëndetshme, kjo frutë ndikon fuqishëm në parandalimin e sëmundjeve dhe ngadalësimin e procesit të plakjes.
Parandalon qelizat malinje dhe plakjen
Sipas nutricionistëve, një nga efektet më të dobishme të arrës indiane është aftësia për të frenuar veprimin e radikaleve të lira – faktorë kyç në zhvillimin e kancerit dhe plakjes së parakohshme.
Pasuri ushqyese
Arra indiane përmban vitaminat A, B1, B2, hekur, selen, thartirë oleinike dhe palmitoleinike, triptofan dhe përbërës të tjerë që forcojnë organizmin.
Ulin presionin e gjakut dhe kolesterolin
Një studim i botuar në “Current Developments in Nutrition” tregon se konsumimi i rregullt i arrës indiane ndihmon në uljen e shtypjes së gjakut dhe nivelit të kolesterolit, duke përmirësuar qarkullimin e gjakut dhe shëndetin e zemrës.
Rregullon sheqerin në gjak
Falë përmbajtjes së acideve yndyrore të pangopura, arra indiane ndihmon në stabilizimin e nivelit të sheqerit dhe ul rrezikun për diabet të tipit 2.
Lëkurë më e re dhe gjumë më i mirë pas moshës 50 vjeç
Mjekët këshillojnë që frutat arrore si arra indiane të jenë pjesë e dietës pas moshës 50 vjeç. Ato ndihmojnë në ruajtjen e lëkurës së re dhe përmirësojnë gjumin, veçanërisht tek gratë gjatë menopauzës.
Sasia e rekomanduar: 60–100 gramë në javë (rreth 5–8 kokrra në ditë) janë të mjaftueshme për të përfituar efektet shëndetësore.
