Në spitalin pediatrik “Sheika Fatima” është inauguruar një laborator i ri bashkëkohor, falë mbështetjes së vazhdueshme nga fondacioni “Khalifa Foundation” dhe angazhimit personal të Presidentes së Republikës së Kosovës, Vjosa Osmani.
Sipas njoftimit të Zyrës së Presidencës, ky laborator do t’i mundësojë spitalit kryerjen e shumicës së analizave brenda institucionit, duke përmirësuar ndjeshëm efikasitetin, cilësinë dhe qasjen në shërbime laboratorike, veçanërisht për fëmijët që përbëjnë grupin më të ndjeshëm të pacientëve.
Një pjesë e konsiderueshme e pajisjeve do të vendoset në repartin e neonatologjisë, ku ndihma mjekësore është vendimtare për jetën e bebeve dhe nënave.
Presidentja Osmani ka shprehur mirënjohje të thellë për popullin e Emirateve të Bashkuara Arabe, në veçanti për Lartmadhërinë e saj, Sheika Fatima bint Mubarak Al Ketbi, për përkushtimin dhe kontributin e vazhdueshëm në përmirësimin e sistemit shëndetësor në Kosovë.
