Një person nga Gjakova është raportuar i zhdukur pasi kishte shkuar për pushime në Shqipëri dhe nuk është kthyer më në shtëpi.
Rastin e ka raportuar një grua në Policinë e Kosovës, e cila ka bërë të ditur se viktima – një burrë me shtetësi kosovare – kishte udhëtuar drejt Shqipërisë më 17 korrik dhe që nga ajo kohë nuk ka pasur më asnjë kontakt me familjen apo të afërmit.
Njoftimi zyrtar i Policisë së Kosovës:
“Ankuesja femër kosovare ka raportuar se viktima mashkull kosovar kishte shkuar për pushime në Shqipëri, por më pas kanë humbur kontaktet dhe ai nuk është kthyer më në shtëpi.”
Autoritetet janë në dijeni për rastin dhe kanë nisur hetimet për të zbuluar vendndodhjen e personit të zhdukur. Për momentin nuk jepen më shumë detaje rreth identitetit apo rrethanave të zhdukjes.
Familjarët dhe policia u bëjnë thirrje qytetarëve që mund të kenë ndonjë informacion të dobishëm, të kontaktojnë menjëherë organet kompetente.
