Aksioni protestues i avokatit Arianit Koci kundër krizës institucionale ka marrë një dimension tjetër të hënën.
Ai, para seancës konstituive, i ka qethur flokët me një makinë elektrike në një karrige para njërës prej hyrjeve të Kuvendit të Kosovës.
Koci e ka quajtur “akt simbolik” prerjen e flokëve.
“Unë kërkoj që menjëherë sot të formohet Kuvendi. Kjo protestë nuk është vetëm për politikanët, por edhe për të gjithë popullin i cili ka rënë në gjumë dhe është në një depresion politik”, tha ai.
Koci tha se duhet t’i vijë fundi ngërçit institucional.
