Pas operacionit të mëparshëm të evakuimit nga Izraeli, qeveria shqiptare ka ndërmarrë një tjetër operacion shpëtimi, këtë herë nga Irani.
Ministri i Punëve të Jashtme, Igli Hasani, bëri të ditur se pesë ditë më parë është realizuar me sukses evakuimi i një familjeje shqiptare përmes vendeve fqinje.
“Edhe pse Shqipëria nuk ka marrëdhënie diplomatike me Iranin, kemi mbajtur vëmendjen maksimale ndaj çdo shtetasi shqiptar atje. Përmes bashkëpunimit me vende mike, arritëm të sigurojmë ardhjen në atdhe të një familjeje me dy prindër dhe tre fëmijë, duke aktivizuar të gjithë rrjetin tonë diplomatik,” deklaroi ministri Hasani, sipas raportimit të Top Channel.
