Tesla ka hapur zyrtarisht një nga konceptet më të pazakonta të saj deri më tani: një “diner” retro-futuristik të kombinuar me stacion karikimi dhe kinema drive-in. I quajtur Tesla Diner & Drive-In, objekti u hap në mënyrë simbolike në orën 4:20 pasdite të hënën në zemër të Hollywood-it.
Ky koncept përmbledh nostaligjinë e viteve ‘50 me teknologjinë e së ardhmes. Vizitorët mund të karikojnë makinat e tyre elektrike në një nga 80 Supercharger V4, ndërsa shijojnë hamburgerë, hot dog dhe ushqime të tjera klasike amerikane – të gjitha në një ambient me dizajn futurist, muzikë ambientale dhe dy ekrane LED gjigante 45-këmbësh që shfaqin filma.
Sipas faqes “Not a Tesla App”, ambienti përfshin edhe robotin humanoid Optimus, si dhe një dyqan me merchandise Tesla.
Tesla shpreson që ky projekt të tërheqë më shumë sesa thjesht drejtues të makinave Tesla. Turmat që u rreshtuan përpara hapjes së tij të parë duket se tregojnë një interes të madh publik.
CEO i Tesla-s, Elon Musk, ka lënë të kuptohet se ky nuk do të jetë lokacioni i vetëm:
“Nëse ky ‘diner’ retro-futurist funksionon mirë – dhe unë mendoj se do të funksionojë – @Tesla do të hapë të tillë në qytetet kryesore të botës dhe pranë Supercharger-ve në rrugët e gjata,” shkroi Musk në platformën X.
Çfarë ofron Tesla Diner & Drive-In?
-
80 karikues Supercharger v4
-
Dy ekrane LED për filma drive-in
-
Menu klasike “diner” amerikane
-
Ambient futuristik me robot dhe muzikë
-
Dyqan Tesla me produkte zyrtare
Ky hap i ri e bën Tesla jo vetëm një kompani automjetesh, por edhe një përvojë sociale e teknologjike. A do të bëhet kjo “diner” e re një simbol i kulturës urbane të re globale? Koha do ta tregojë.
