Deputeti i LDK-së, Paris Guri, ka ngritur akuza të reja në drejtim të deputetes së VV-së, Fitore Pacolli, lidhur me fondet që organizata “Defy Them” ka përfituar nga Qeveria e Kosovës.
Pacolli ka mohuar përfshirjen e bashkëshortit të saj në organizatë, duke thënë se ai është larguar prej dy vitesh dhe ka cilësuar akuzat si shpifje. Por Guri ka reaguar përmes një postimi në rrjetet sociale, duke kërkuar transparencë për drejtimin aktual të organizatës.
Sipas tij, drejtimin e “Defy Them” aktualisht e ka marrë Kombëtar Uskana — bashkëshorti i Shqipe Uskanës, motrës së deputetes Pacolli.
“Edhe nëse fondet nuk i ka përfituar burri yt, i ka përfituar burri i motrës tënde”, shkruan Guri, duke e përfunduar reagimin me thirrjen: “Fitore, kthej paret – cent më cent!”
Ai kërkon që VV të japë llogari për mënyrën se si po shpërndahen fondet publike dhe lidhjet familjare të përfitueseve me zyrtarë të lartë politikë.
