Kryeministri i Shqipërisë, Edi Rama, ka reaguar pas intervistës ekskluzive të ish-presidentit të Kosovës, Hashim Thaçi, dhënë mbrëmë për emisionin Rubikon në Klan Kosova.
Përmes një postimi në Facebook, Rama ka shpërndarë një citim nga intervista e Thaçit, duke e shoqëruar me një mesazh të qartë dhe simbolik:
“Shumë e vërtetë Komandant
Çka s’është as e lirë dhe as me erë të mirë është drejtësia ndërkombëtare”, shkroi Rama.
Ky reagim vjen në një kohë kur Thaçi ndodhet në proces gjyqësor në Hagë, ndërsa intervista e tij e parë pas një kohe të gjatë ka ngjallur reagime të shumta në opinionin publik në Kosovë dhe më gjerë në rajon.
