Një ngjarje me fund të lumtur është shënuar sot në plazhin e Shëngjinit, ku një vajzë 9-vjeçare nga Kosova ishte raportuar e humbur nga prindërit e saj gjatë pushimeve.
Policia e Shtetit reagoi menjëherë pas njoftimit, duke aktivizuar patrullat me biçikleta që operojnë në zonën e plazhit. Pas kërkimeve intensive, e mitura u gjet shëndoshë e mirë dhe iu dorëzua familjes së saj.
Prindërit falënderuan Policinë për reagimin e shpejtë dhe profesionalizmin e treguar.
Policia e Shtetit i bën apel të gjithë pushuesve të tregojnë kujdes të shtuar për fëmijët gjatë qëndrimit në plazh.
