Një ngjarje e rëndë ka ndodhur sot në fshatin Stubëll e Poshtme të Vitisë, ku një fermer ka pësuar humbje të mëdha pasi zjarri i ka përfshirë stallën me 42 dele brenda.
Në vendin e ngjarjes doli edhe kryetari i Komunës së Vitisë, Sokol Haliti, i shoqëruar nga Komandanti i Policisë dhe përfaqësues të Drejtorisë së Shërbimeve Publike dhe asaj të Bujqësisë, për të vlerësuar nga afër dëmet dhe për të ofruar ndihmën e parë.
Sipas njoftimit të komunës, falë reagimit të shpejtë të zjarrfikësve u arrit të shpëtohet jeta e një gruaje të familjes, duke shmangur një tragjedi edhe më të madhe.
Kryetari Haliti ka shprehur solidaritetin dhe mbështetjen për fermerin e prekur, duke premtuar ndërmarrjen e të gjitha hapave për rikuperimin e dëmeve dhe ndihmën institucionale ndaj familjes.
Komuna e Vitisë – Kryetari Haliti reagon menjëherë pas… | Facebook
