Sonte në orën 22:00, Kuvendi i Kosovës mban tentativën e fundit për zgjedhjen e kryetarit, pas më shumë se 50 dështimesh. Burime për Qendra Info Kosova bëjnë të ditur se nëse edhe kjo seancë dështon, vendi mund të shkojë në zgjedhje të reja.
Lëvizja Vetëvendosje nuk ka arritur të sigurojë shumicën për zgjedhjen e Albulena Haxhiut si kryetare Kuvendi. Afati kushtetues për konstituim përfundon më 27 korrik – dhe pas kësaj, Presidentja pritet të ndërmarrë hapa për shpërndarjen e Kuvendit dhe caktimin e zgjedhjeve të parakohshme.
