Një skenë e pazakontë është parë mëngjesin e sotëm në ambientet e brendshme të Qendrës Klinike Universitare të Kosovës (QKUK) në Prishtinë. Një qen endacak është vërejtur duke lëvizur lirshëm brenda hapësirave të këtij institucioni shëndetësor.
Prania e kafshës brenda objektit kryesor të kujdesit shëndetësor në vend ka ngjallur reagime të ndryshme nga qytetarët dhe stafi, duke ngritur shqetësime rreth nivelit të sigurisë dhe kontrollit në hyrjet e QKUK-së.
Nuk dihet saktësisht se si ka hyrë kafsha në ambientet e brendshme, mirëpo rasti ka vënë në pah nevojën për një vlerësim të funksionimit të mekanizmave të sigurisë, përfshirë edhe punën e kompanisë që menaxhon sigurimin fizik të objektit.
Nga QKUK ende nuk ka ndonjë reagim zyrtar lidhur me këtë rast, ndërsa qytetarët kërkojnë përgjegjësi dhe masa për të parandaluar situata të ngjashme në të ardhmen./Qendra.INFO
