Kryesia e Partisë Demokratike të Kosovës ka vendosur të mos e mbështesë më Ramiz Lladrovcin për një mandat të ri si kryetar i Drenasit. Me 26 vota pro, PDK ka zgjedhur Petrit Hajdarin si kandidatin zyrtar për zgjedhjet lokale në këtë komunë. Lladrovci mori vetëm 4 vota mbështetëse, duke humbur mbështetjen e strukturave udhëheqëse të partisë.
Ky vendim shënon një kthesë të rëndësishme në degën e PDK-së në Drenas, duke i hapur rrugë ndryshimeve dhe një qasje të re politike në këtë komunë.
