Më 9 gusht, në sheshin “Nënë Tereza” në Prishtinë do të organizohet një marsh paqësor në mbështetje për popullin e Gazës. Protesta do të mbahet nën moton: “Në Gaza s’ka jetë, por ne kemi zë”, duke ngritur zërin kundër krizës humanitare në këtë territor.
Gaza po përballet me kushte ekstreme, ku sipas autoriteteve palestineze, të paktën 10 persona kanë humbur jetën nga uria. Për situatën e rëndë kanë reaguar edhe presidentja e Kosovës, Vjosa Osmani, dhe kryeministri në detyrë, Albin Kurti, duke dënuar gjendjen dhe duke kërkuar veprim ndërkombëtar.
Gjendja në Gaza ka nxitur reagime të gjera edhe nga liderë të shumtë botërorë, ndërsa vende si Franca, Britania e Madhe dhe Kanadaja kanë paralajmëruar njohjen e shtetit të Palestinës.
