Sindikata e Bashkuar e Arsimit, Shkencës dhe Kulturës e Kosovës (SBASHK) ka njoftuar se të gjithë anëtarët e saj, nga çerdhet e deri në nivelin universitar, do të jenë pjesë e protestës paqësore të thirrur nga organizatat e dala nga lufta e lavdishme e UÇK-së.
Protesta do të mbahet më 7 gusht, nga ora 17:00, në sheshin “Skënderbeu” në Prishtinë, ku pritet të dëgjohet “zëri i fuqishëm” i qytetarëve dhe punëtorëve të arsimit, në përkrahje të ish-pjesëtarëve të UÇK-së që po mbahen në paraburgim në Hagë.
Në njoftimin e SBASHK-ut thuhet se pjesëmarrja masive e punëtorëve të arsimit, shkencës dhe kulturës është një mesazh i qartë se sakrifica nuk harrohet.
Vrasje në tentativë në Rahovec, viktima u qëllua me një plumb që i erdhi nga një drejtim i panjohur
“Falë atyre që sot padrejtësisht ndodhen në qeli, ne sot gëzojmë lirinë, ecim të lirë në shtetin tonë dhe edukojmë brezat për atdhedashuri e drejtësi”, thuhet në komunikatë.
SBASHK-u thekson se me këtë pjesëmarrje po ngre zërin për drejtësi, për liri dhe për ata që sakrifikuan gjithçka për të ardhmen tonë.
