Një studim i ri tregon se aktiviteti fizik lidhet me ulje të rrezikut për sëmundje kardiovaskulare dhe vdekshmëri tek pacientët me diabet të tipit 2, por që nuk kanë pasur më herët sëmundje të zemrës.
Studiuesit përfshinë mbi 20 mijë të rritur me diabet të tipit 2 dhe pa histori të sëmundjes kardiovaskulare.
Ata zbuluan se pacientët që ishin më aktivë fizikisht kishin rrezik më të ulët për atak në zemër, goditje në tru dhe vdekje nga çfarëdo shkaku.
Krahasuar me ata që nuk ushtronin fare, pjesëmarrësit që bënin rreth 10–20 minuta ushtrime të lehta në ditë kishin rreth 25% më pak gjasa të vdisnin gjatë ndjekjes 6-vjeçare.
Ndërsa ata që bënin më shumë se 30 minuta aktivitet të përditshëm, kishin ulje edhe më të madhe të rrezikut.
Sipas studiuesve, gjetjet theksojnë rëndësinë e ushtrimeve fizike si pjesë e menaxhimit të diabetit. Ata nxisin mjekët që t’i motivojnë pacientët për të qenë më aktivë, edhe nëse nuk kanë pasur probleme me zemrën më parë.
