Pas vendimit të Dhomave të Shkallës së Dytë të Gjykatës Komerciale në favor të Zyrës së Rregullatorit të Energjisë për të ashtuquajturin treg të lirë të energjisë elektrike – ku veçse ka nisur të ofertojë vëllau i Luan Dalipit me çmim katër fish më të shtrenjtë për bizneset – Nënkryetarja e Lidhjes Demokratike të Kosovës, Hykmete Bajrami, ka thënë se Albin Kurti tashmë është duke bërë politika ku përfitojnë të afërmit e tij.
“Nga deklarimi se nuk bëjmë politika për 1% të kompanive (kishin fjalën për 1300 që i përjashtuan nga shërbimi universal i furnizimit me energji) deri te politika që punon vetëm për vëllain e Luan Dalipit, NOA-n dhe kompaninë e Vuk Hamoviçit”, shkroi ajo.
Postimi i plotë:
Nga premtimi i Albin Kurtit se do të lirojmë energjinë elektrike, sepse është tepër e shtrenjtë kur ne rrimë mbi gjithë këtë energji që kemi, te rritja e çmimit dyfish për të gjithë.
Nga deklarimi se nuk bëjmë politika për 1% të kompanive (kishin fjalën për 1300 që i përjashtuan nga shërbimi universal i furnizimit me energji) deri te politika që punon vetëm për vëllain e Luan Dalipit, NOA-n dhe kompaninë e Vuk Hamoviçit.
Kjo është Republika nën qeverisjen e Albin Kurtit, e stërkequr nga korrupsioni dhe interesat e ngushta.
