Instituti Kombëtar i Shëndetësisë Publike të Kosovës (IKSHPK) ka publikuar disa udhëzime praktike për të mbajtur shtëpitë të freskëta dhe të sigurta gjatë temperaturave të larta verore.
Sipas IKSHPK-së, qytetarët këshillohen të hapin dritaret në mbrëmje dhe gjatë natës, kur temperaturat e jashtme janë më të ulëta, për të freskuar ambientin e brendshëm.
Ndërsa gjatë ditës, kur temperaturat janë të larta, rekomandohet mbyllja e dritareve dhe mbulimi i tyre me perde ose materiale që pengojnë rrezet e diellit .
Po ashtu, sugjerohet të fiken sa më shumë pajisje elektrike për të reduktuar nxehtësinë e brendshme, si dhe të përdoren ventilatorë elektrikë vetëm kur temperatura është nën 40°C.
