Një ngjarje e rëndë ka ndodhur sot në fshatin Qungur të Pejës, ku një aksident trafiku ka përfunduar tragjikisht.
Sipas burimeve, rreth orës 14:00 është raportuar për një përplasje ndërmjet një veture dhe një katërçikleti. Për pasojë, dy persona kanë mbetur të lënduar.
Mjeku që ka dalë në vendin e ngjarjes ka konstatuar vdekjen e njërit prej tyre, ndërsa personi tjetër është dërguar me urgjencë për trajtim mjekësor në Spitalin Rajonal të Pejës.
Policia e Kosovës ka konfirmuar rastin, duke bërë të ditur se njësitë policore dhe hetuesit e aksidenteve ndodhen në vendin e ngjarjes dhe po punojnë për zbardhjen e rrethanave të këtij aksidenti tragjik.
