Ngjarja u shoqërua me tensione – ndërsa kryetari i seancës bëri thirrje për rend, në sallë u dëgjuan fishkëllima dhe brohoritje, ndërsa delegatët dolën me vrull jashtë, raporton Sky News.
Gjatë fjalimit të tij, Netanyahu iu drejtua drejtpërdrejt pengjeve të mbajtura në Gaza dhe rrëmbyesve të tyre, duke bërë një deklaratë të fortë:
“Nuk ju kemi harruar… nuk do të lëkundemi, nuk do të pushojmë derisa t’ju kemi sjellë të gjithëve në shtëpi.”
Ai po ashtu u drejtua me një paralajmërim të qartë për udhëheqësit e Hamasit:
“Ulni armët… lironi pengjet tani. Nëse e bëni këtë, do të jetoni, nëse jo, Izraeli do t’ju ndjekë.”
Netanyahu bëri të ditur se përmes altoparlantëve të vendosur në zonë dhe telefonëve celularë të marrë në dorë, fjalimi i tij ishte dëgjuar drejtpërdrejt në Gaza.
Në adresimin e tij, ai gjithashtu kritikoi akuzat për gjenocid, duke i quajtur “të rreme”:
“Nëse Hamasi pranon kërkesat, lufta mund të përfundojë.”
Fjalimi i tij vjen në një moment të ndjeshëm diplomatik – pas vendimit të Mbretërisë së Bashkuar, Francës, Kanadasë dhe Australisë për të njohur zyrtarisht shtetin palestinez, në përpjekje për të mbajtur gjallë perspektivën e një zgjidhjeje me dy shtete.
Ndërkohë, lufta në Gaza ka hyrë në vitin e dytë, me agjencitë e OKB-së dhe vetë Sekretarin e Përgjithshëm që kanë dhënë paralajmërime të forta për situatën e rëndë humanitare, duke e cilësuar “të papërballueshme” për civilët në territoret pale
