Mbrojtësi i talentuar Albian Hajdari ka vendosur t’i japë përparësi Kosovës në karrierën e tij ndërkombëtare, duke braktisur mundësinë për të luajtur me Zvicrën. Lajmin e ka raportuar gazeta zvicerane Blick.
22-vjeçari, i cili ka luajtur këtë sezon me skuadrën Hoffenheim në Bundesliga, ka vendosur të bashkohet me Përfaqësuesen e Kosovës për ndeshjet kualifikuese të Kupës së Botës ndaj Sllovenisë dhe Suedisë. Hajdari, i cili debutoi për Zvicrën në një ndeshje miqësore, kishte qenë i ftuar disa herë nga kombëtarja zvicerane, por dera mbeti e hapur për Kosovën.
Vlerësohet se Hajdari ka një vlerë tregu prej 12 milionë eurosh sipas Transfermarkt. Për Kosovën, ky është një fitore e madhe, veçanërisht në mungesë të kapitenit Amir Rrahmani, i cili është i lënduar. Hajdari pritet të marrë menjëherë një rol kyç në mbrojtjen e “Dardanëve”.
