Aksidentet në komunikacion vazhdojnë të paraqesin një sfidë serioze për sigurinë rrugore në Kosovë. Sipas Policisë së Kosovës, gjatë periudhës janar–korrik 2025 janë regjistruar 51 aksidente fatale, krahasuar me 48 në të njëjtën periudhë të vitit 2024.
Numri i viktimave gjithashtu ka shënuar rritje, me 58 persona të vdekur këtë vit, kundrejt 52 në vitin paraprak. Përveç këtyre shifrave shqetësuese, është vënë re edhe një rritje e ndjeshme e tiketave të shqiptuara: gjatë 2025 janë shqiptuar 448,661 tiketa, krahasuar me 411,337 një vit më parë.
Totali i aksidenteve për periudhën janar–korrik ka arritur në 13,235 raste, nga 12,507 që ishin në vitin 2024.
Policia e Kosovës apelon sërish për respektim të rregullave të trafikut, duke theksuar se siguria rrugore është përgjegjësi e përbashkët e çdo qytetari.
