Zyra e OKB-së për të drejtat e njeriut tha sot se ka marrë “informacione shqetësuese” në lidhje me trajtimin e pjesëmarrësve në Flotiljen Globale “Sumud” të ndaluar në Izrael, raporton Anadolu.
“Kemi marrë informacione shqetësuese për keqtrajtim dhe shkelje të të drejtave të procesit të rregullt ligjor të pjesëmarrësve në flotilje”, deklaroi për AA zëdhënësi, Thameen Al-Kheetan.
Ai shtoi se zyra “ka kohë që ka ngritur alarmin në lidhje me kushtet qëllimisht degraduese” në burgjet dhe qendrat e paraburgimit izraelit.
Forcat detare izraelite sulmuan dhe sekuestruan anije të Flotiljes Globale “Sumud” duke filluar nga e mërkura dhe arrestuan më shumë se 470 aktivistë nga mbi 50 vende.
Flotilja tentoi të dërgonte ndihmë humanitare në Rripin e Gazës dhe të sfidonte bllokadën e Izraelit ndaj enklavës.
Izraeli ka mbajtur bllokadën në Gaza, shtëpi e gati 2.4 milion njerëzve, për gati 18 vjet.
Që nga tetori i vitit 2023, bombardimet izraelite kanë vrarë më shumë se 67 mijë palestinezë në enklavë, shumica prej tyre gra dhe fëmijë, dhe e kanë bërë atë pothuajse të pabanueshme.
