Kryetari i Prishtinës, Përparim Rama, ka zhvilluar një vizitë në lagjen Muharrem Fejza në kryeqytet, ku është takuar me banorët për të diskutuar rreth kërkesave dhe nevojave të tyre.
Gjatë takimit, Rama theksoi se gjatë mandatit të tij janë adresuar shumë prej problemeve që banorët e kësaj lagjeje i kanë pasur prej vitesh. Ai premtoi se puna do të vazhdojë edhe për katër vitet e ardhshme.
“Mirëmëngjesi, Muharrem Fejza! Shumë prej problemeve që kjo lagje i ka pas me vite, i kemi zgjidh e rregullu. Do të vazhdojmë edhe 4 vjet përtej…”, shkroi Rama në rrjetet sociale.
Banorët e pranishëm përgëzuan për angazhimin dhe zhvillimet që kanë ndodhur në zonën e tyre, duke shprehur shpresë se puna për përmirësimin e infrastrukturës dhe kushteve të jetesës do të vazhdojë.
Për detaje mbi projektet dhe investimet në kryeqytet, qytetarët mund të vizitojnë platformën Prishtina Work.
Qendra.Info/
