13 tetor 2025, ora 12:26 – Kandidati i PDK-së për Mitrovicën e Jugut, Arian Tahiri, ka shprehur mirënjohjen e tij ndaj qytetarëve për, siç e ka quajtur, “mbështetjen e madhe” gjatë procesit zgjedhor.
“Faleminderit nga zemra për mbështetjen e madhe! Së bashku, pa dallime, ecim bashkë drejt fitores tonë të plotë! Mirënjohës përjetë për besimin tuaj!”, ka shkruar Tahiri.
Në Mitrovicën e Jugut gara ka rezultuar jashtëzakonisht e ngushtë, pasi sipas rezultateve preliminare të KQZ-së, kjo komunë do të shkojë në balotazh.
Tahiri ka marrë 47.89% të votave (15,368 vota), ndërsa kandidati i LVV–Guxo, Faton Peci, 47.80% (15,340 vota) – një diferencë prej vetëm 28 votash.
