Kryeministri i Shqipërisë, Edi Rama, ka folur për pozicionin e Kosovës në Ballkan dhe për sfidat e saj drejt anëtarësimit në Bashkimin Evropian. Ai ka theksuar se Kosova duhet të mos e shndërrojë marrëdhënien me Serbinë në një çështje kryesore dhe të fokusojë energjitë e saj në përmbushjen e pikave të dialogut të ndërmjetësuar nga BE-ja.
“Nuk shoh çështje territoriale midis Kosovës dhe askujt tjetër. Territori i Kosovës është i përcaktuar. Kosova është një republikë, një shtet i ri demokratik i njohur nga shumica e vendeve të mëdha dhe ende jo i njohur nga disa vende të BE-së. Kosova duhet të shtyjë përpara dhe të përmbushë çdo pikë të dialogut të ndërmjetësuar nga BE-ja, duke lënë Serbinë të marrë përgjegjësitë e saj”, tha Rama.
Ai shtoi se nuk duhet të lejohet që marrëdhënia me Serbinë të shndërrohet në një çështje fajësimi dhe se vendimet duhet t’i lihen udhëheqësve të zgjedhur të Kosovës dhe vendeve të tjera përkatëse.
Mesazhi i Ramës vjen në një kohë kur Kosova përgatitet për balotazhin e komunave dhe për të forcuar pozicionin e saj në proceset evropiane.
