Gjatë pasdites së sotme, gjatë xhirimit të një interviste me deputetin e Kuvendit të Kosovës, Armend Zemaj, ka ndodhur një incident fizik mes tij dhe një qytetari ka informuar gazetari i BLIC, Astrit Gashi.
Sipas njoftimit të dhënë nga ekipi realizues, për incidentin është njoftuar menjëherë Policia e Kosovës, e cila ka marrë në posedim të gjitha pamjet e xhiruara nga kamera në vendngjarje.
Në njoftim thuhet se, për të mos ndikuar në hetimet që tashmë janë në zhvillim, nuk do të jepen detaje shtesë lidhur me incidentin.
“Si individ dhe si media ndjejmë keqardhje të thellë për incidentin dhe mbetemi të hapur për bashkëpunim të plotë me organet e rendit, për zbardhjen e plotë të rastit,” thuhet në reagimin zyrtar.
Hetimet për rastin janë duke u zhvilluar nga Policia e Kosovës./Qendra.INFO
